• Parte-hartzaileak 18 eta 35 urte bitarteko gazteak izango dira.
  • Webguneko Izen-emate fitxa bete behar da derrigorrez, irailak 24  baino lehen.
    • Izen emate fitxa betetzen duten lehen 30 taldeek soilik izango dute bermatua parte hartzeko aukera, eta gainontzekoak itxarote zerrendan sartuko dira.
  • Aterpetxean lo egiteko asmoa duten taldeek, izen emate fitxan adierazitako kontu korrontean taldekide bakoitzeko 15 euro ingresatu beharko dituzte eta ordainketa ziurtagiria leire@topagunea.eus helbidera bidali, eskatutako datu guztiak adieraziz. Datu guztiak bidaltzea beharrezkoa da, bestela ez da gordeko lo egiteko lekurik. Ordainketa egiten duten lehen taldeek izango dute ziurtatuta aterpetxean lekua (plazak mugatuak dira). Trinkete aterpetxeari buruzko informazioa 
  • Gaiaren eta ezaugarrien aurkezpena: urriaren 6an, goizeko 11:30etan, Lekeitioko Barandiaran aretoan (Independentzia plaza, udaletxe azpian) eskura emango zaizkie partehartzaileei aurtengo edizioaren oinarriak, arauak, baldintza teknikoak eta abarrak modu zehatzean idatziz jasotzen dituen txostena eta XIV.Kameratoirako akreditazioa.

  • Ikus-entzunezko lanak egiteko, taldeek beraien ekipo propioa erabiliko dute. Antolakuntza ez da ekipoen galera edo ezbeharren erantzule egingo.
  • Barandiaran aretoan partehartzaileek lan egiteko espazio bat egongo da rallyak irauten duen bitartean (wifiarekin, mahaiekin eta argindarrarekin).
  • Ikus-entzunezko lanek gehienez 5 minutuko iraupena izango dute.
  • Txostenean adierazitako ezaugarriak islatuko dira ikus-entzunezko lanetan.
  • Hizkuntzaren presentzia ezinbestekoa izango da, ahozkoa edo idatzizkoa, euskara hutsean.
  • Lanak .MOV edo MP4 formatuan sortu behar dira, HD 1920x1080px 25p bereizmenean
  • Lanak entregatzea: filmarekin batera, laburraren fotograma bat ere entregatu behar da, taldearen izena eta laburraren titulua zehaztuz. Urriaren 7an , eguerdiko 12:00ak baino lehen:  
    • INTERNET BIDEZ: Talde bakoitzak Dropbox, Copy edo antzeko artxibo partekatzaile sistema batean kontua sortu beharko du, bere lana horretara igo eta antolakuntzari artxiboa deskargatzeko lotura bidaliko dio, leire@topagunea.eus helbidera.
    • ESKURA: Lana diska edo USB batean entregatzeko aukera egongo da, Lekeitioko Ikusgarri zine aretoaren leihatilan (takillan) goizeko 09:00etatik 12:00ak bitarte.

*Edozein kasutan, artxiboak egoera onean jaso direla baieztatuko du antolakuntzak.

  • Sari banaketa ekitaldia Lekeitioko Ikusgarri zine aretoan izango da, urriaren 7an, 18:00etan hasita.  Saria jasotzeko ezinbestekoa izango da talde irabazleetako kideak sari banaketa ekitaldian bertan egotea. 
  • Kameratoian ekoiztutako lan guztiak Creative Commons AITORTU-PARTEKATU lizentziapean zabalduko dira. Horren arabera, egileek baimena ematen dute euren lana edozeinek ikusi, erakutsi edota berrerabiltzeko, beti ere egiletza aitortuz eta eratorritako lanak baldintza berdinetan partekatuz. Informazio gehiagorako, ikus: http://creativecommons.org/licenses/by-sa/3.0/deed.eu.
  • Antolakuntzak, beharrezko jotzen dituen aldaketak egiteko eskubidea du.
  • Arazo edo zalantzarik egonez gero, antolakuntzak erabakitzeko ahalmena izango du.

* Lehiaketan parte-hartzeak oinarri hauek onartzea dakar.

kame580