Laburbiraren azken bi ediziotan deialdi zabala egitea erabaki da, laburrak euskaraz egiten dituzten guztiek euren lanak aurkezteko aukera izan dezaten.

2018ko ediziorako lanak aurkezteko epea 2017ko abenduaren 15era arte izango dugu zabalik.

Topaguneak, euskarazko ikus-entzunezkoen sortzaileei bultzada emateko, beste hiru egitasmo ere antolatzen ditu: Benito Ansola Saria, Durangoko Azokako Irudienea gunea eta Kameratoia.

Filmak aurkezteko baldintzak

  • Filmeek euskaraz egindakoak izan behar dute, 2015etik hona ekoiztutakoak, fikziozkoak eta 18 minututik beherakoak.

Interesatuek, honakoak bidali beharko dituzte leire@topagunea.eus helbidera:

  • Sortzailearen datuak eta aurkezpen laburra (4-5 lerrotan bere ibilbidea, argazki eta guzti).
  • Filmaren sinopsia
  • Filmaren fitxa teknikoa
  • Filma bera, euskarri digitalean (mp4, mov…)

Aukeraketa egiteko irizpideak

2018ko urtarrila erdialderako aukeratuko dira XV.Laburbiran herriz-herri eskainiko diren film laburrak. Aukeraketa egiterakoan zenbait irizpide izango dira kontuan, honakoak:

  • Publiko guztientzako lanak izatea.
  • Sortzaile berrien eta izen handikoen arteko oreka.
  • Sortzaileen lurralde eta genero aniztasuna.
  • Genero ikuspegia
  • Filmen bestelako ezaugarriak: euskalki aniztasuna, umorea, animazioa, lan esperimentalak, sentsibilizazioa lantzen dutenak…

Zalantzarik, proposamenik, informazio gehiagoren beharra izanez gero, honako helbidera idatzi eta ahalik eta bizkorren erantzungo dizuegu.